DZBOY مدير المنتدى
عدد المساهمات : 116 النقاط : 5423 وقتاش سجل : 11/06/2010 في عمري : 29 وين تسكن : نتديات دزاير كوول العمل/الترفيه : الانترنت المزاج : مهبول تعاليق : الحمد لله الدولة :
| موضوع: اغنية كمال مسعودي ياحصراه عليك يادنيا بالكلمات-استماع وتحميل الخميس سبتمبر 09, 2010 9:55 am | |
| كيف حالكم اعضاء وزوار منتديات دزاير كوول اقدم لكم اليوم رائعة من روائع الفن الجزائري الشعبي وهي اغنية المرحوم كمال مسعودي ياحصراه عليك يادنيا هذه كلمات لاغنية للفنان المرحوم كمال مسعودي رحمه الله واسكنه فسيح جنانه هذه الابيات تشرح بطريقة رائعة الحياة بحلوهاومرها وسخريتها منا في بعض الاحيان ارجوا ان تركزو جيدا
ياحسراه عليك ياالدنيا فيك حكاية وحكايات ساميني واقعدي حذايا واحكيهم لي بثبات علاش هكذا حاقدة وسميةتظلي تبدلي في الصفات تعذبي فيا غيربالشوية عييت من عذابك بركات تلعبي بيا ولا معايا جاوبيني علاش هذا السكات قالولي عليك مسرحية انا المسرح سكنلي في الذات التذكرة خلصتها غالية اديت معايا شي وردات دخلت للقاعة صفقوا عليا طلع الستار والاضواء طفات لقيت روحي في تمثيلية والديكور خوف ودموع طمعتيني ودرتي عليا عندي جدي بصح مات شحال من سلطان كان في الدنيا جيوش لامروا طيعات مال وعز قصور وسرايا العسة عليه بالاولوفات غفل غفلة تقلبت الحية في ليلتو ماصاب وين يبات اكلتي فلان عسل وفاكهة وفلان شمختيلوا الفتات فلان قلعتيلوا الذرية وحياتوا من الفرحة خوات وفلان طلق مرتوا المزكية زعف كي جابتلوا البنات المسجون يرجوا الحرية بالدقيقة يحسب الاوقات الشهار يحلم بالشهرية يا حليلوا مولى وليدات كبدة لميمة مشوية واش سهرت وواش ربات على وليدها بدل الجنسية غروا زين الروميات خلى يماه وحدانية من الحرقة والبكاء تعمات باش يبين الرجولية بعثلها زوج محرمات نهار كانت الدنيا دنيا الوالدين علقولهم شيعات واليوم راهم مرميين في مراكز الشيخوخات انتي دنيا يدك زهرية انا يدي فيها الكيات مع الواقف درتي جمعية سماها دخلات وخرجات القليل بعثتيلوا خطية جا يصلي تلفتلو الصلاة كي سلم نسى التحية كي تحى نسا زوج ركعات المال فاني والعظام راشية فاتت اجناس واتمحات لي كان تقي ودار النية طاع ربي وشد في الصلاة درجته في الجنة عالية صفة الجنة درجات والشقي يمضي النهاية ذاته بالنار اتكسات جلدة رايحة وجلدة جاية يظل يبدل في الجلدات نصيحتي نخليها التالية باش نختم بيها الابيات دعوة الوالدين رسمية منهم الشر والخيرات الهناء كنز والصحة غالية والباقي كله في ذوبات ياسين ارسلها تحية وامضى فيها بشي دمعات بعثها كمال مسعودي برية قراها باوتار والات الصلاة على نور عيني سيد الخلق ياسدات وشكون نجا منك يادنيا غير لي طلقك بالثلاث
ارجوا ان تكون قد نالت اعجابكم اخوكم الذي يحبكم
الكلمات والاستماع في الفيديو https://www.youtube.com/watch?v=o9TP6PTj9Boرابط التحميلhttp://www.d1g.com/a9waat/show/1625537 يكون التحميل ببرنامج idm في امان الله ان شاء الله تعجبكم
| |
|